حاولت اكذب ما سمعته بالارسال

بس القدر لا جاك ما فيه حيله

انا اشهد انه مات يا ربع رجال

لا وقفت الآجال ما به وسيله

لو العمر يشرا شريناه بالمال

بشرى حياته ما ندور بديله

شبل مربينه على العز الاشبال

ممشاه دايم بالعلوم الجميله

فقيد الأمة تفقده الأجيال

عسى العوض سلطان حملة شيله

يا عامل الحسناء بالايتام الاطفال

ومن يكفل الايتام ربك كفيله

محمد نبي الله في الايتام قد قال

من يكفل الايتام فأنا عديله

وله في الأدب حكمة ويضربه امثال

ويحل صعبات الأمور المهيلة

يبكونك الشيبان ويبكونك عيال

عقب الخبر كل الأوادم عليله

فيصل عسى الجنة لك اليوم منزال

ومن يفعل الخيرات يالقاء حصيله