لك الله ياعيون ويادموع وياحشا وكبود
لك الله ياشفاه ويالساني ويش ينقالي
بكينا والدموع السايلة ماعادت المفقود
على فرقاك يامير الشباب الطيب الغالي
إلهي ياالهي ياأحد يافرد يامعبود
توسع مدخله وتنزله بالمنزل العالي
الا يالله ياللي كلنا لجلك ركوع سجود
نصلي لك وندعي للفقيد برحمة الوالي
ابو نواف ياعون الضعيف ونجدة المضهود
ابو نواف ياقطر المزون وغيث همالي
وهذيك الكبود الضامية قطرك عليها زود
وكفك ماتوانت بالعطايا كثر وجزالي
تمدبه اليمين وبالخفا مابه عليه شهود
عساها عند ربك ترجح الكفة بمثقالي
لك الله ياعيون ويادموع وياحشا وكبود
لك الله ياشفاه ويالساني ويش ينقالي
