احملوا جثمان حمال ضيم المعضلات
وادعوا راع المواجيب والطيب والوجه الندي
يرحم الله فارج الضيق راع الطايلات
كيف ننساه؟ ما ينساه يا كود الردي
يوم شفته فوق محمول ويني والثبات
خانت دموعي عيوني وحطيت اجهدي
مات ابو نواف!! ما مات غرسه بالحياة
والله انه حي خالد وذكره سرمدي
ما يموت اللي زرع بالنفوس اطيب نبات
ولو غدا فكر المغاوير، فكره مايغدي
يا كثر ما شال قلبه من هموم وعبات
كم يتيم شال حمله وجرح يضمدي
ان وقف قلبه لكثرة حمول المثقلات
ما وقف ذكره على سهيل وانكاف الجدي
مهو ابو نواف وحده ويدرون الثقات
كلنا كنا عياله وخيره مقتدي
بيض الله وجه راع العلوم النايفات
ويرحم الله روح ميت وعمره سرمدي
