وين الرفيق اللي يحب النفاعه
وادوره واشريه لو باغلى الاثمان
مهوب قصور فيه ولا طماعه
لكن زمان اليوم يحتاج انسان
انسان عنده صبر وعزم وشجاعة
وعند الشدايد ما يخيب لك اظنان
تلقاه حسب الظن في ظرف ساعة
ويعرف طريق الخير وفي قلبه ايمان
عزه الله ان رفقته اكبر بضاعة
في ذا الزمن (يا خوي) ما نيب غلطان
يقوله اللي صار عند قناعه
بان الصداقة دوم في كل الازمان
حبيت اشارك واطرب النفس ساعه
في مجلس بين الحبايب والاخوان
واقول قولٍ فيه حب النفاعة
قولٍ ولا ارجى من ورا قولي اثمان
