نشرنا في الاسبوع الماضي لغزاً كتبه الشاعر عبد الهادي بن راجس السبيعي يقول
انشدك عن رجل وبنته تناجيه والى غدت ما عاد للرجل قيمه فيما مضى شيخ العرب يعتنى فيه واليوم حلت في محله حليمه |
واليكم الحلول الصحيحة:
لغز التراث اليوم بانت مواريه من نظم ابو راجس عسى الله يديمه يبي حلول اللغز يا مرحبا فيه يقصد شعارٍ للرجال الكريمة (نجر) به النشمي لضيفه يناديه بوقتٍ مضى فيه النوايا سليمة واليوم بعض الناس غير مباديه الشكوى لله يا الرجال الفهيمة |
راشد بن ناصر الشقيق
الأسياح
***
قريت لغزاً واضحاتاً معانيه لغز السبيعي والمعاني حكيمه النجر عقب الي مظاً ما نراعيه عقب الغلا ماله مع الناس قيمة يا حيف ما له قيمتاً عند راعيه والمطحنة صارت بدالة حشيمه |
راجي نواد السويدي
حائل
***
ركب الحضارة يلزم انا نجاريه مع التمسك بالسلوم السليمه والنجر في وقتٍ مضى نعتني فيه واليوم رمزٍ للحياة القديمة |
مطلق بن الأسمر الشراري
***
مني لابن راجس سلام واحييه وراعي الوفاء والطيب الله يديمه وقت مضى تلقى النجر عند راعيه ساس الكرم عند الوجيه الكريمه واليوم روح ما بقي غير طاريه واصبح يتيم والبنيه يتيمه |
محمد بن عبد العزيز الخنيفر
***
النجر يا الراجس تهيضك غنانيه يجلب لك ازحول الرجال الفهيمة في ما مضى واليوم يا قل قانيه استبدلوا لام اللحون السقيمه |
بدر الحزيمي
***
اهلا هلا باللي نظم من قوافيه اعداد ما هلت هماليل غيمه لغزك عرفته بين من معانيه يا سهل حله للرجال الفهيمه لا جاك طرقي صوت نجرك يناديه واليوم اظنه يشتكي من ظليمه |
عبد الله بن عبد العزيز
الفهد
***
يا مرحبا باللغز واللي مسويه حكيم والله من رجال حكيمة لغزك يا بن راجس حكيمة معانيه عودٍ وخذ حقه وهاذي طليمة هذا النجر والبنت بنته وتوذيه بنتاً تطق العود بنت سقيمة اما حليمة جارها ما تناديه طاحونة الكهرب تراها حليمه |
سعد صنهات السهلي
***
مبداي يا اللي ظافيات حسانيه بأمره غزير الغيث يحيي هشيمه ومن بعده اكتب لابن راجس واحييه الطيب اللي له معزه وشيمه والرجل يشكي وقت بانت خوافيه اليوم صارت له حليمه خصيمه الهيل والرسلان والبن يبكيه وشوفه المظلوم واكبر ظليمه يا ما حلا صوته الى دن توحيه نجراً وقفى ما لقو له وسيمه! |
محمد العايد
***
اللغز واضح يا السبيعي معانيه يا اللي كتبته بالحروف السليمة دن النجر مع طلعت الشمس توحيه لا قام يزهم للوجيه الحشيمه ويده ليا ضاعت وش الفايده فيه ما عاد له بين الرجاجيل قيمه |
عايش حامد العجلاني
***
يا شاعرٍ جزل المعاني اتباريه من لابة للضيف تحسن مقيمه وان دندنوا (نجر) الكرم من مواريه كل النشاما سيروا من نهيمه |
محمد المويعزي الحربي
***
حييت يا لغز جزيله معانيه أبيات نظمها السبيعي سليمه عبر الجزيرة لغزكم نبتدي فيه النجر واليد الطحونة حليمة ونشكر لمن قام التراث وساعيه عبر الجزيرة يا الوجيه الكريمة بحفظ التراث بكل حكمه وتوجيه واعلام الابنا بالسلوم القديمة |
منور راجي العنزي
مطار الجوف
***
لغزك يا ابن راجس سقى الله لياليه انحي وقفى مع سلومٍ قديمه امنول صوت النجر دوم نوحيه صوته ينادي فالعرب للعزيمة |
ثامر القطيم السبيعي
***
(النجر) راح وراح فعله وطاريه ما عاد له في عالم اليوم قيمه بالسوق ما شفنا المشاكيل تشريه وصوته غداء ما عاد نسمع هميمه جيله فني والجيل هذا ينافيه مرحوم يا جيل الصبر والعزيمه اللي صبر يوم الدهر ساطي فيه جيل كريم وله فعول كريمه |
صويلح بن عبيسان الشيباني
الرياض
***
عرفت لغزك يوم بالقاف تبديه النجر لغزك بالليال القديمة عند الاوائل بيناتٍ معانيه اهل الشهامة واليدين الكريمة |
سالم سليمان الرشدان العنزي
***
ذكرتني شيء لي سنين ناسيه ذكرتني ذيك العصور القديمه نجرٍ لنا في غال الأثمان شاريه عنده سواليف النشاما حكيمه وقت مضى مغليه واليوم باكيه نفسي على ذيك الليالي امهيمه |
خالد صنهات الحربي
البكيرية
***
لغزك عرفته يا بن راجس بطاريه قد فات دورة بالليال القديمه النجر جار البيت بالصوت يدعيه للضيف والجيران تسمع رزيمه والدله اخته للمنارة تباريه وطاحونة الكهرب تراها حليمه |
عبد الله عبيد المرشدي
***
لغزك يا بن راجس هلا فيكم وفيه يا مرحبا باهل الكرم والحشيمه وقتٍ مضى لا شك ما نيب ناسيه وآثارنا آثار عزٍ وشيمه منها النجر واليوم ما عاد نطريه ولى زمانه مع سنين قديمة |
منصور عبد الله منصور المجيدل
الرس
***
سلام سنه منذر الخلق نهديه اعداد ما هبت هبايب نسيمه عليك يا محرر وكاتب وقاريه اهل الوفا والعرف واهل العزيمه واللي بعدها ياقلم قول لبيه واكتب وانا بمليك حل الهديمه هذا تراه النجر واليد تتليه باقي على رفوف البيوت القديمة |
جدي بن متعب العنزي
***
لغز السبيعي بينات مواريه لغزه يذكرنا السنين القديمه النجر حل اللغز يا اللي تسويه عقب النشاما تعتني به حريمه |
مزعل محمد سمران الرشيدي
***
يا مرحبا يا شاعرٍ نفتخر فيه شوفتك يا راع المكارم غنيمه يا زين صوت النجر والربع تلفيه وبيت الشعر منصوب ما هو بخيمه في وادي طال الزهر في روابيه عشبه جديد وعاقب السيل ريمه بمجلس رجال حشام والضيف تقريه تحرص على حفظ العلوم القديمة |
موسم بن سفر القثامي
الطائف
***
لغز السبيعي واضحاً من مباديه ذكر علينا ايامنا اللي قديمه ترى النجر في ما مضى نعتني فيه واليوم عند البادية له القيمه واهل المداين في حضاره وترفيه شغل المطاحن عندهم مستديمه |
حمدي فالح الشراري
الجوف دومة الجندل
***
يا مرحبا باللغز واهلا براعيه اعداد ما يفرح حميم بحميمه ساعة قريت اللغز بانت خوافيه وعرفت حله يا الرجال الفهيمه ذاك (النجر) ما عاد نسمع بطاريه من عقب ما هوله مقام وقيمه |
صالح عبيد الزرير التميمي
الرس
***
قريت لغزٍ للسبيعي مسويه بابيات شعرٍ والمعاني سليمة النجر في دور الفلل قل فانيه المطحنة حلت محله ظليمة له دور في بيت الشعر مع معانيه والكسر مرفوعٍ وناره جحيمه ليا طقة الفني ورفع أياديه قنيب ذيب ما حصله وليمه |
دخيل فضي الشملاني العنزي
الرياض
***
لغزك يا بن راجس عرفنا معانيه واصبحت افكر في العصور القديمه يا زين صوت النجر وايده تحاكيه وان ضاعت ايده صار مثل البهيمة |
فايز فهد عفتان السهلي
رويغب
***
يا مرحباً عد الزهر في مباديه يا للي كتبت أبيات شعر سليمة النجر من ضمن المعاميل نغليه وله عندنا عز ومعزة وشيمة لكن لفات الزمن طورت فيه والكهرباء خلت حليمة كريمة |
ناصر فهد عفتان السهلي
الشوكي
***
يا شمس يكفيني عن الشرح تنويه لاشعشع البراق برموش غيمه اسرجت خيلي للوفاء والمشاريه وراع الوفاء يبقى قديمه نديمه جاملت حاضرهم علشان ماضيه يا شمس عمري ما رضيت الهزيمه تكرمي يا الله قولي لهم ليه يخفون صوت الماو رمز العزيمة |
خلف الأسيد الشراري
القريات
***
جينا نبارك للمحرر مساعيه جدد تراث وصار للشعر قيمه وايضاً السبيعي يا الله انك تحييه اعداد ما هلت على الارض غيمه وبعد التحية لغزكم عاد اسميه كود النجر ضمن الحلول السليمة |
صالح بن عبد العزيز المحيميد
القصيم - أمهات الذيابة
***
يا مرحبا باللغز واللي كتب فيه ترحيبة مني ونفسي سليمه لغز السبيعي واضحٍ في معانيه يذكر به الشايب حياة قديمه يا حلو صوت النجر يا زين ماضيه صوت النجر للشيخ طيب وغنيمه |
مرزوق بن شقير العتيبي
بريدة
***
الوقت راح ويا حلا ذكر طاريه وقت العصور الماضيات القديمه يوم انهم بالضيف كل يحييه كل يهلي ما تطاول مقيمه وصوت النجر من قبل هذا يناديه يا حلوها ذيك السلوم السليمه |
محمد عبد الله العسكر الحنيني
البكيرية
***
لغز السبيعي يا عرب مرحبا فيه من يوم نجره دقة اليد كيفه في ما مضى كل يحبه ويغليه واليوم وين اللي يقول أعتني به |
بادي قائل العتيبي
خميس مشيط
***
قريت لغزك يالسبيعي وما فيه وقمت اتفكر بالحلول السليمه لقيت حله دايم الدوم نطريه النجر له عند الأجاويد قيمه |
فايز العرقوب
***
يا رامي لغزك انا اليوم راعيه النجر له عند المشاكيل قيمه فيما مضى عند النشامى تراعيه يقنيه راعي كل طيب وشيمه |
عبدالله بن عبد العزيز الربعي
القصيم
***
يا مرحبا باللي بدع في معانيه شاق وتشوق للحياة القديمه في دنته يطرب خوين مخاويه في مجلسٍ يهوا رجالا فهيمه واليوم صار النجر منظر أراعيه كلن ترك نجره وشغل نعيمه |
نايف سعيدان الشمري
حائل - فيد
***
شوف الربيع قلبي تولع فيه ومنوتي مغاتير ومنوتي خيمه يا ما حلا صوت النجر في مفاليه وريح النفل الله يديمه |
مد الله خميس المصيدير الشراري
بريده
***
يا مرحباً باللغز واللي مسويه ترحيب اهل هجن لفو بالغنيمة اللغز هذا النجر يا با خص فيه من لا يصك النجر ما فيه شيمة |
فهاد عبد الله محسن العرجاني
النايفية - الافلاج
***
لغز السبيعي لو يخفي مواريه يبين عند اهل العقول السليمة هذا النجر ما يعرفه كون راعية تلقى الكرم عند الرجال الكريمه |
عبد الهادي فهاد العرجاني
الافلاج - النايفية
