مصائفنا الجميلة وفي مقدمتها ابها تستحق منا الدواوين وليس القصائد فقط.
ومع تزايد اقبال السواح عليها من داخل وخارج الوطن الغالي لما تنفرد به بعد الجمال من امن لا يوجد في سواها,, وكرم لم يخلق الا في رجالها هكذا هي ابها,,والطائف,, والباحة وكل مصائفنا الجميلة بل وكل وطننا الغالي.
وعن عسير,, وجمال عسير,, وامير عسير المحبوب الأمير الشاعر خالد الفيصل كتب الشاعر الشاب زياد بن حجاب بن نحيت هذه القصيدة التي تنبض بالصدق والشاعرية:

عسير اللي بك امير القلوب اشتقت للجية ابا ابل العروق اليابسة من ريح مطراتك ابحيي فيك روحٍ ميته واشواقها حية على جوك على ضوك على نوك وغيماتك على ذيك الجبال الشامخة والشمس والفية على ذيك البروق اللامعة من بين لمعاتك على شيخٍ وقف لك وقفةٍ ما هيب عادية وقف لك وقفة تبنى عليها كل وقفاتك يلبس جسمك القابل ملابس فن سحرية وهذا اللي تميزتي اخيراً به على اخواتك لبستي ثوب وشماغٍ خضر زاهي وطاقية واشوفه ينقش أكواتٍ يقولون انها أكواتك جلب لك كل سواح الخليج مع السعودية وصبر شوي والباقين عديهم بمخباتك اخذتي خالد وهي سيتك ان كان لك سيه امير ما يعوضنا بداله كثر حسناتك اشوفه طول الغيبة واشوفه قلل التيه كأنه ما يشوف من الرجال الا رجالاتك صحيح انك تحبينه صحيح وبالميه ميه ولكن لو سمحتي قللي من كثر شرهاتك قرابة ثلث قرن المسألة ما هيب بشوية على مثله بمثلك وانتي ابخص في حساباتك وانا ما اقول ما انتي قد لا والله مثنيه ولكنا نبيه لمثلك يسوي بها سواتك عطينا خالد الفيصل وخوذي خالدٍ زيه وخوذي خالد وخالد وخالد قدر حاجاتك وخوذي خالدين من الخواليد السنافية وخوذي زود كل الي قبضها من معاشاتك