يا طيب قول الشعر في فايت فات
شوفوا قدايمهم جزال جدايد
بالشعر يحفظ علومٍ قديمات
لولا الشعر راحت بليا شرايد
وفيه النصيحة والثنا والمعاناة
والمدح للطيب وسيع البنايد
وفيه التغزل بالبنات العفيفات
على النقا تكتب بيوت فرايد
اعلام في وقته بلياقنوات
تلقى علوم الناس عبر القصايد
الشعر يوجد من عبيدٍ وسادات
بقولٍ سبق قولي وهذا وكايد
بعض القصائد لو فقط خمسة أبيات
يشبه لعقد اللول بين القلايد
ما هو شعر من لمّعته المجلات
والا هل الساحة بوسط الجرايد
اهل الغزل ما شفت انا واحدٍ مات
يا مدعين العشق والعشق كايد
ما عم انا الشعار والقصد بالذات
واجب نفرق بين ناقص وزايد
وحتى ترى ما هي مقاس المحطات
ما ينفع الديكور والشعر بايد
ولو كانت له صاله وفيه اختبارات
يا كثر من عنها بعيدٍ يحايد