بديت باسمك يا منجي دخيله
يا ملتجى المظلوم تجبر عزانا
يا واحد كل الملا تشتكي له
يا فارج الكربه تخفف عنانا
يا اللي جميع الخلق ملكه وهي له
رحماك ربي ما تخيب رجانا
واجبر عزى راع العلوم الجميله
فيصل بن بندر وباقي الاخوانا
في فقد منهى لليتامى كفيله
افعالها يشهد عليها الزمانا
ويا الله عساها في جنانك نزيله
لعلها تسكن فسيح الجنانا
وتغفر ذنوبه يا منجي خليله
انت الذي بامرك يحقق منانا
ذي امنا ام الوفا والفضيله
ام الرجال منورين المكانا
ان قلت فيصل سعد منهو يجي له
يغسل همومه من كثير الحنانا
يشيل حمل ما تشيله قبيله
اميرنا يوم انعم الله عطانا
الراي والحكمه ونفس جزيله
الله جمع فيه الخصال الحسانا
والختم صلوا عد برق نخيله
على النبي واعداد سحب بسمانا