يا حي كف الدمع لا تبكي العين

لو البكاء ياحي ما هو بطوعك

يا حي قلي يوم تبكي على مين

دنياك هاذي ما تساوي دموعك

كانك بها تبكي على فراق غالين

يا حي عل فراقهم ما يروعك

وكان البكاء يا حي من قسوة سنين

اللي نفخ روحك يزين سنوعك

أصبر وربك يدفع العسر باللين

لا تشكي احوالك وترجي فزوعك

يا حي ما اصحاب الرخا عنك دارين

ولا هم بساعات اللوازم دروعك

يا حي لو بالقلب مثل السكاكين

اضحك ولا تبين خفايا وجوعك

الجرح خله داخل القلب لا يبين

والزود عن قلبك تشيله ضلوعك