ليت الغلا من قبل اعرفك نسيته

والّا الليالي في حياتك نستني

شفت الهموم ودمعتك لا بكيته

ما جاء على بالك دموع بكتني

كان الشقا من بيننا واشتريته

سود الليالي يا الحبيب اشبعتني

طال الحديث وشوف عيني ظميته

لا راح هم ولا المواجع روتني

القلب وافي واشهد انك عصيته

هاك الحقيقة جابه الله وجتني

ما فاد بي جرحك ولا من ياليته

ما جاب لك حظٍ ولا ساومتني

منك المواجع والردى ما هقيته

حتى رحلت وشرهتي رافقتني

ما اخترت انا فرقاك لكن مشيته

درب بكيفك والدواعي رمتني

حبل الوعود الي قسى ما لقيته

مدري سراب او غايتك خالفتني

سقيتك بدمي وروحي سقيته

سهد وعذاب وكلمة حيرتني