دنيا غريبة والبشر مثلها أغراب

لو هي صفت لك ما صفولك بشرها

تعطيك من لذاتها كل ما طاب

تغريك ثم تغرقك في بحرها

وانا عطتني دنيتي زين الأحباب

اللي بنا دنياي ثم دمرها

اللي سحرني بذوق وسلوب جذاب

وعيون تسبي كل عاشق نظرها

أبو جبيناً بدرها لا حضر غاب

والشمس من وجهه تعانق قمرها

في بحر حبه همت والحب غلاب

وكل الجوارح في غرامه أسرها

لكن خسارة من عشقناه لعاب

لعب بحاسيسي وقطع وترها

هذي سواة الناس في عالم الغاب

دنيا ان صفت لك ما صفولك بشرها