ياناشد الساري عن الليل منجوم
لو الجدي ينبيك يسكت سؤالك
لليل سر وستر وإعلان لنجوم
لحاف صبحٍ يفضح النور حالك
لليل غبطة آمن الليل بالنوم
خوف وهم بعظام ساري تهالك
والليل يطلق خطوة الذيب وقروم
ويجمع قلوبٍ في بعضها تشابك
له بصمة يعمي بها عيون معتوم
وتبصر بها عيون منهو مشالك
الليل فيه اشياء واشياء وعلوم
بين الطرب والذنب سكة مهالك
والله لولا قبة الليل محروم
من شوفتك هالحين صعبٍ وصالك
هاذي إجابة ساري الليل مفهوم
لولا عتام الليل ماني قبالك
