كان للشاعر عبدالله الأطرش لغزا جميلا نشر في عدد الأسبوع الماضي ونصه:

يا ويش قصرٍ يا عرب زان مبناه بنت وولد قدمه وزانت مواريه كثرت مطاليعه مع القرن شفناه أمن وسعد والشر راحت طواريه

***
وقد توصل للحل الصحيح أصحاب المشاركات التالية:

عود حميد وسالفه ما نسيناه عاد الحميدي رايته في سواريه والحل يالأطرش ترانا كشفناه هذا هو المصمك نحيي ضواريه

***

يوم الجمعة شفت لغز قريناه عبر الجزيرة كاملا في معانيه يامرحبابه عد مزن نثرماه واللي وطى بالقاع واللي مشا فيه ماحد غشيم عن المصمك وحلياه والسيف والنخلة وصورته علقت فيه هذا هو الحل بينٍ أوكشفناه وعبر التراث ياصلك مع موديه

***

اللغز عاد اوناس واجد تمنّاه أهل الوفا سمعو تمني مشاريه بلغز للأطرش ياهلا به اوحياه بيطار نظم اللغز محد ايجاريه قصر يبي رمز المعزة عرفناه المصمك اللي يسعد الناس طاريه صقر الجزيرة تالي الليل عدّاه بالله توكل والنشاما إتباريه بتسعة عشر ألف أو ثلاث حفظناه بخمسة شهر شوال والليل ساريه

***

لغز السعد دام إن حلّه ومعناه عن معلمٍ نطرب لشوفه وطاريه المصمك التأسيس قصر عشقناه بقلوبنا مافيه قصر يباريه

***

لغزك يالأطرش ما خفانا وجيناه وجاكم جوابه واضحات معانيه هذا هو المصمك وحنا عرفناه منه الفخر والمجد صارت مباديه نصاه ابوتركي ونوخ مطاياه وانهى سلوم الظلم واللي مشى فيه

***

حلة المصمك يا عرب زان مبناه بالسيف والنخلة وزانت مواريه مائة من توحيد القرن شفناه بحكم الشريعة والشر راحت طواريه

***

تراث الجزيرة عاد بعد فقدناه واللي لنا رده عسى الله يعافيه يعجبني المصمك ومن حط شلفاه وشعار المئوية نعزه وتغليه

***

لغزك يالاطرش بالسنافي فهمناه المصمك اللي بان بأشعار ميه بذكرى مؤسس عاد ملكه بيمناه وطبق شريعة خالقه مع نبيه وحد جزيرتنا من أدناه لأقصاه وساد الأمن والخير كل الرعيه عبدالعزيز اللي كريمه سجاياه عسى جنان الخلد يسكن بقيه