*الطائف- هلال الثبيتي
هذه المحاورة جرت مساء يوم الاثنين 30/2/1420ه وقد اجتمع فيها كبار الشعراء مستور العصيمي- فيصل الرياحي- حبيّب العازمي صياف الحربي والمحاورة التالية بين الشاعرين حبيب العازمي وصياف الحربي وكان البادىء حبيّب نختار جزءاً منها على امل ان نتواصل كل جمعة مع نماذج من جديد المحاورات:
حبيّب العازمي:

يامرحبا ومقدم الطيب يلقاه عند الرجال مقدرين الرجالي يقوله اللي صاغ قافه ومعناه شاعر وتاجر بالذهب والريالي

صياف الحربي:

عسى البقا باللي يصافح بيمناه ونكيرت الحمله يجيب الجمالي واليا بغيت الصدق عندك مراواه انت العدو ونت الصديق الموالي

حبيّب العازمي:

اذياب ابن غانم ليا باع شلفاه يبكي على عليا وقبر الهلالي من طيب حظك كل واحد تحداه واحيان دوب انك تجيب العقالي

صياف الحربي:

ويروح ابن غانم بدينه ودنياه ويقول حظي باع لي وشترالي من طيب حظي كل ماكتبت اقراه واخر نتيجه يصبح السوق خالي

حبيّب العازمي:

اللي يشيل المسك في وسط فخباه مايعرف ان المسك دم الغزالي تراك صادق واكثر الهرج تنساه تكره جوابك يوم تسمع سوالي

صياف الحربي:

هذا الكلام اللي حصل ونتمناه كيف النشاما في حلوق الدلالي وشلون مشيك فالجبل يوم ترقاه يالغالي اللي جيت في بطن غالي