يبدو ان اسلوب شعر الرد سيطر على الشاعر سالم بن مهاوش ويتضح ذلك من مطلع هذه القصيدة التي تحمل الاعتزاز بالنفس,, الشاعرية,, وهي سمة
كل شاعر يعي حقيقة الشعر:

بيتي الى مني بغيته بنيته وان طق عود بعود يقضي لزومي وان طلعوها مثل طلعة بهيته والمبتدي معهم يطيح ويقومي ومن طاح حظه وانكسر ما بكيته من دق للموقف ضعيف العزومي ما عاد ينفع قول لولا وليته بعطني وخذ ماهو بحب الخشومي وان قال لي شاعر نصيتك نصيته وقفت مثل طويق من دون قومي وقفت له فيما قفى واحتميته الى انسحب عنها خطاة الرخومي وكل حسب مدة يمينه جزيته ان صار بالموقف دفاع وهجومي ضلعي متين ومن نخاني شفيته لو كل قوم يعقدون الكمومي والى انقضوا حبل المعاني لويته وسحبت فهرس مرمسات العلومي وبنيت للشاعر على قد بيته بيت على كل الوجيه محكومي فصلت للمعنى لباس وكسيته ثوب رهاوي من ثمين الهدومي وسر الهدف وسط غبة رميته ما كل سباح ابحرها يعومي أفصل المعنى مثل ما بغيته لا بندقي عوجا ولا هي زمومي وكل مثل ما يستحقه عطيته ولاني من اللي يطمرون العقومي والى ارخصوا سعر السهم ما شريته تركتها للي يطب ويسومي قفلت بيباني وحبلي طويته ادري زرية عارفين السلومي قولي قدر ما اقدر عليه انتقيته لجل احترامي للمشاعر عمومي والا الخطأ وارد لو انك نفيته ما فيه واحد من خطاه معصومي ولا ني من اللي بالدعايات صيته اللي فزوعه طول الايام تومي واللي يبث دعايته ما رجيته والجدي ثابت لو تغيب النجومي واللي لقوه الناس غيري لقيته بتجارب الايام ليلي ويومي حسب التجارب كل درب مشيته وعرفت وجهة كل طير يحومي ولازدت عن غيري وحقي خذيته اخذت قسمي من خيار القسومي