سجيت ماني معتذر ليه أجاملك
وانت اتخبر لاسج بالي نوى شرق
سرابي اللي ما لكٍ هاجسي ملك
لامر في بالي سرق لحظتي سرق
يذكر وأجيه ولي تجي واتجاهلك
وأنا ادري أن الروح في مفترق طرق
عيني تشوفك بس عقلي تخيلك
حلم وأناشد انتباهي سنا برق
لو تشعل احساسي غلا في تواصلك
لك ما خفق خافق ولا ساجعٍ ورق
لا هاذي اغرتني ولا اغريت في تلك
مغريني اللي محرق مهجتي حرق
له منزلٍ عندي ما هو حول منزلك
الله يا بينك وبينه من الفرق
ارضيك والّا واقع الحال يزعلك
لك قلتها واقول نادى الهوى شرق