** قيلت هذه الابيات في رثاء الشيخ فلاح بن سعد بن جفران رحمه الله رحمة واسعةواسكنه فسيح جناته.

قلبي معذبني ولا ارتاح باله عقب فراق اللي فعوله جميله فلاح بن جفران راع الجماله اللي على ما قال يا من دخيله مرحوم يا شيخ يظلل اظلاله يعطف على اللي ينحره يلتجيله رحل من الدنيا وعقبه عياله مثل الحرار اللي برأس الطويله وناصر خذا ختم الامارة بداله امير للعزه وامير القبيله امير طيب طاب حظه وفاله واللي يبي كيف النشاما يجيله يلقى السنافي فوق ضوه دلالة يفوح فيها زعفرانه وهيله ومجلس مناعير ومجلس شكاله وكل يجيله في نهاره وليله وراعيه ناصر ما يشح بحلاله ومن حشمته ورضاه كل يعديله عساه يسلم من صوادف لياله وننطح وجيه عداه ونشيل شيله يقوله اللي لا بغى القول قاله وتدبير ربي ما لنا فيه حيله وصلاة ربي عد ما امطر خياله على نبي وضح الله دليله