حبيبي لو يطول الوقت غالي

حبيب الروح متصور قبالي

اشوفه كل ماتشرق وتمسي

خياله مايفارق عن خيالي

وذكره يرتبط بأشياء جميلة

لأنه مرتبط باسمي وحالي

يذكرني شعاع الشمس جيده

لون الشمس منها القرب صالي

يذكرني جمال الورد خده

لون الورد كلٍ منه نالي

يذكرني نسيم الصبح همسه

لون الصبح همسه بالعجالي

يذكرني بياض الثلج صدقه

لون الثلج عرضه للزوالي

يذكرني حفيف الريح غيضه

لون الريح يزعل مايبالي

يذكرني الشفق ساعة غروبه

وهو يحلف لي برب الجلالي

يعاهدني وانا أناظر دموعه

تقول بصمت لدموعي تعالي

تعالي واكتبي عهد المحبة

وطاعتها دموعي بامتثالي

مساكين العواذل يوم قالوا

لزوم إنها تنسيك الليالي