لا جيت ابي من واقع الجو لحظات

تعذر اللي به يحيط وجلب هم

ينتاب روحي من عنا الوقع وقعات

اقصى العنا وأدناه له وقع مبهم

لا جيت افسر جاز معناه بالذات

واجهز على كل المعاني وعتم

اخشى عليه ان جاوز الصمت عثرات

ياقف على منطوقها ويتلعثم

مثل الذي يركض ورا واحد مات

شايل عباته علها له ترحم

مجهد يبي مع جملة الناس فزعات

ما يدري انه في سواته توهم

والا الذي بسراج يمشي مسافات

يبحث عن الظلما بها حيل مهتم

هذا وانا اللي ما عطيت اهتمامات

وشلون انا لاصرت شفق ومغرم

ذا واقعك يا الجو مافيه رجعات

ولا فيه للي عايشك صح مغنم

ذا واقعك يا الجو صفوك خيالات

عكرت صفو اللي هقابك تعشم