اللون الاسود
ليل,, وعيون
ولاغمّضت مني الجفون
أطيح
من حفرة الليل بعيوني
للحبتين السود
في داخل عيونك
* **
يالله يا عونك
ترحم حزين البين
من جفوة أحبابه
* * *
تدرون
ان العيون سجون
واني مشيت حدر الجفون
ولما بغيت الباب
ردوني الأحباب
ماللعيون ابواب
***
ناظرتها داله
مسحوب من عيني
رحماك للواله
كافيني مافيني
وانكسر رمشي وعيني
وجرّت الخطوة سنيني
اوكذا ظنيت
* * *
احرار,.
أحرار في كل شي
في كل شي
إلا القدر
وانا انكتب لي في القدر
أشتاق لسجونك
واجتاح بجنوني
عيونك
مشياً على الجفنين
***
وقفت,.
على بابك
وما نا بني نابك
والقلب يتألم
ومن غير ما اتكلم
جيش من الرمشين
دلوني على ابوابك
وابوابكم شباك
* * *
أشواك ,, أشواك
في داخل العينين
أوجاعها رطبة
ومن دونها أسوار
ولو نبتعد مقدار
تهنا بظلام العين
* * *
شفنا بوسط العين
سحرٍ لطيف اسباب
ماصابنا مثله
وطفلٍ بخلف الباب
بعيونه الخجلى
يوايق لنا منه
* **
هديتني بالحب
ياصانع اجروحي
من عزتك بالقلب
سافرت لي بروحي
آهين,.
آهٍ من جروحي
وآهٍ على روحي
* * *
لاحظنا في العينين
ما نال بهجتنا
وجهين,.
وجه آدميين
ووجه تقل أملاك
ومن زود دهشتنا
طحنا من الشباك
ع السور والاشواك
وغرينا بالمقدار
وتهنا بظلام العين
* * *
ما عاد شفنا شي
ماعاد إلاليل,, وصدى
واصوات تهمس في المدى
صرخت انا احبك
لين اسمعوا صوتي
وهمست لك حبك
بسري ومكبوتي
* **
ياصاحبي الأحباب
ما اشوفهم عندك
غبتوا مع اللي غاب
وانت الهوى عندك
* * *
وتعثرت رجلي
هاوي بظلام العين
ونبّهت لك نجلي
لاجل اقضب الهاوين
لين ارتطم قلبي
وفتحت عينيه
واثري بظلام الليل