ياصاحبي مالك جمال الرعابيب
ليتك تشوف الراس وشلون شابي
انا شباب وشيبتني عواقيب
وانت السبب ياللي زهاك الخضابي
عذبتني ياناعس الطرف تعذيب
وافقدتني عقب الرزانه صوابي
ياعين حر مسكنه فالمراقيب
اللي تعلا في قرون الهضابي
عز الله انك ترمي القلب وتصيب
وعز الله انك ماتخاف العقابي
ما خفت ربك ياحسين التعاجيب
الله حسيبك في نهار الحسابي
انا العطيب ولاتفيد الاطابيب
انا العطيب ولايفيد الدوابي
قالو تطيب وقلت والله ماطيب
وشلون اطيب وقد تمكن صوابي
خدعتني بسم الهوى والاكاذيب
انت الكذوب وظني اليوم خابي
لكن والله ياعذاب الخراعيب
لخلعك خلع وصاحبك مايهابي
خالد بن عبدالله العمار الخالدي
