يلعن أبوها المشاعر لا قصر مدك

ويلعنك حسٍ عجز لا يحرك سكونه

عريت كل المشاعر قصدي اشدك

ولا يا خسارة تلاشى البوح من دونه

قلبي نزف لك حنانه لو خفى سدك

وسنين عمري ثمنها نظرة عيونه

اغلى الغوالي بقلبي ما وصل حدك

وادري زهور الشوارع زينت كونه

لو مات حبٍ جمعني فيك باعدك

غيمٍ يرق في سماي وخانت مزونه

والله لا قفيت لا صدك ولا ردك

يا من كسر بي عزاي ولهفتي عونه

اصبحت كلي حزن وبكلمة اهدك

لا شك بي عزةٍ ما تقبل تخونه

لا ما ارتجي منك ود يجحده ردك

وان كان تحسب رحيلي صعب يا هونه