انا مدري وش اللي جابني يمه ومريته
طريقٍ كل ما شوفه يذكرني بخلاني
تذكرت الصباح اللي جمعني به ومسيته
تذكرته من اول يوم لآخر يوم مساني
ذكرت الليل يوم انه يسريني وسريته
ذكرت الصبح ليا جاني وضايقني وسراني
هويته طفلٍ صغير وعلمته وربيته
عشقته لعنبو جده وسواها ورباني
تمادى في جفاه وصد يحسبني تناسيته
حقيقة لو هي بيدي نسيت اللي تناساني
بلاي ان الفراق الموت اذا قفيت وخليته
حياتي وش اسميها اذا قفي وخلاني
