صباح الخير يا اجمل قمر في طلته خافي
تكحل عيني بشوفه وعين الناس محرومه
صباح المسك والعنبر صباح المبسم الغافي
حنونه عذبه وحلوه هدية رب مقسومه
اميره قصرها قلبي ودمي نبعها الصافي
اسير لحبها كلي وروحي معها محكومه
فتني رمشها الذابل جذبني قربها الدافي
ملاك تسحر الناظر غدا قلبي لها حومه
ابو صف ما قدرت اوصف تشح وتقصر اوصافي
جزيل الوصف يقصر دونها قد ضاعت علومه
خذتني من بداياتي عسى ما قد خذت وافي
خذت قلبي وانا كلي رضي بالحب وهمومه
وانا لو ما لقيت الا الرضا في حبها كافي
هي جروحي هي همومي هي المشتاق وحلومه
صباح الخير ما تكفي صباح المبسم الغافي
صباحك يا بعد عمري صباح فاح يشمومه
