واللي خلق هالكون ما عاد اريدك
كلمة كويت ابها جميع المواجع
معزتي قيدي ونزوتك قيدك
لانيب متكبر ولا نيب قاطع
بمشي بسيدي وانتي امشي بسيدك
والله ياخذ عمري ان قلت راجع
والله يا حبٍ هدمتيه بايدك
اني لزفه لك عذاب وفواجع
خلي العذول اللي وشى لك يفيدك
دامه غدى مثلك منافق وخادع
لا تحسبيني واحد من عبيدك
لا من زهمتي جاك طايع وقانع
نادي العذول وقولي اليوم عيدك
قولي له ان محمد اليوم وادع
دمعي قصيدي وانتي آخر قصيدك
أكذوبة تسري على كل سامع
يا بنت قومي واكشفي عن رصيدك
تلقين قلبك نازل بكل شارع
هذا يبي ودك وهذا يريدك
وهذا غدا للقرب راغب وطامع
حرام كنت بيوم دم بوريدك
وحرام من شانك تهل المدامع
والله ما انسى لو نسيتي جحيدك
وشلون ابنسى كل ذيك المواجع
