قصيدة رثاء في المرحوم إن شاء الله الشيخ مهوي بن سلطان السيحاني العتيبي

ياالله يا منشي ثقال السحابي يا واحد للخلق ما صك بابه يا واسع الرحمة شديد العقابي يا فارج لأيوب من ما لجابه أجبر عزاي وخفف اللي لجابي يا والي القدره عليك الإجابه عضيت أطراف الشفايا بنابي يا معين من عض الشفايا بنابه اقنب قنيب اللي بروس النوابي تجاذيه بعواه خلج الذيابه على الذي هلوا عليه الترابي جعل الحياء يسقي مثاري ترابه يا مدبره خفف عليه الحسابي برحمتك تجعل في يمينه كتابه أجزه عن السيات حسن الثوابي وأقبل بعفوك سعيه اللي سعابه أدعوا معي يا أهل الدعاء المستجابي يمكن يوافق ساعة مستجابه الله يغفر له ويجبر صوابي آمين يااللي ما خسر من لجابه مهوي ولد سلطان دمث الجنابي شيخ ولد شيخ عزيز جنابه رجل المهمات الكبار الصعابي ما شال مدفون الغشش في ثيابه من لابة يوم اللقاء ما تهابي ربع لهم جاه ووقار ومهابه اهل الفلاء ومهجنات الركابي تشهد لهم يوم المواقف شبابه أولاد ناصر كاملين النصابي يوم أن بعض الناس ينقص نصابه عوق الخصيم وستر جال العذابي تركة هوازن من قبائل عتابه ياما اشبعوا من جايعات الذيابي في ليلة ضلما عشاها نهابه فوق المهار معزلات الروابي الباء ادلهم جو السماء من ضبابه ولا ينفع الضامي لميع السرابي ولا ساوت الدنيا جناح الذبابه وصبر جميل ودارج القاف شابي والأمل بالله طيبٍ والرجاء به وصلاة ربي عد مابالكتابي على النبي محمد والصحابه اعداد من صلى الفرائض وانابي وتبع نبيه وسيرته واقتدا به