ليلٍ كسر في داخلي فرحة العيد
وجدد جروح ماضية في يا جهاد
صدري يضيف ليا حبست التناهيد
تقول موعدني على الحزن ميعاد
وحاولت اداري موقفي,, واثني القيد
حين اكتشفت ان الحقيقة لها ابعاد
صبرت ,, لكن صبر مثلي وش يفيد؟
لا صار كن القلب بيدين حداد
الله يا طول السهر والتساهيد
ويا طول ليلٍ,, للعزا صار ميلاد
يا صاحبي ما عاد للجرح تضميد
مدام قلبي,, جنه جروحٍ جداد
وانا فقدت ابها الامل والمواعيد
لكن ذكرى الحب ,, مصدر وميراد
والله يسامحها على جيّت العيد
باسبابها فقدت انا طعم الاعياد
