يا مشاوير المحبة في دروبك ضاع حالي
ما هقيت القلب يبقى صامد حتى النهايه
يكفي اللي منك شفته لظلمت سود الليالي
اسهر ودمعة بعيني تشتكي حزني لشقايه
يا عذابي اللي شفته بالحياة اول وتالي
شف عناوين المآسي اشرقت لي في سمايه
راح عمري بالمواجع منه مدري وش بقالي
ضحكتي ماتت وحزني عقهبا شال الوصايه
يا بقايا الأمس عودي حققي حلم بخيالي
اشرقي ليلي تمادى علميني وش خطايه
كل همي من زماني منه ياما قد جرالي
شفت ثاره في عيوني وشفت جرحه في حشايه
كل ما هلت دموعي اتعب عيوني سؤال
ودي اعرف وش سبايب دمعة تسهر معايه
احسب ان الدمع واضح بالعيون ولاطرا لي
اثرها دمعات جرحي تشتكي تعلن عزايه
