يا أسير الشوق لو ضاق الصدر
وش يفيد الهم يا ساس الفهود
بالمقدر يا بن فيصل لا تأثر
ياالكريم ابن الكريم بن الأسود
كلنا لك يا رفيع المجد وأكثر
لا تأثر خف همك لا يزود
المقدر يا اسير الشوق قدر
رحمة الله رحمة الله للعنود
والبقاء في راس منهو ينذكر
كاسبين المجد ورثٍ عن جدود
حاكمينه من البحر حتى البحر
وعزنا الله براية الله وآل سعود
المقدر حاصلٍ لكل البشر
ومن يجود بغير ربه ما يجود
والأسير اللي تأثر ينعذر
طول الله بعمر جده والوجود
جعل عزه ينذكر ليوم الحشر
وجعل عزه يرتفع بأعلى صعود
ومن تمنى غير ذلك ينعثر
والمصايب جعل يومه ما يعود
يا بن فيصل جيت كلي واعتذر
والله اني مقصر بحق العنود
جعل قبره ينكسي روضٍ خضر
وفي جنات الخلد يزرع له ورود
والبقاء في راس كساب الفخر
والتعازي نرفعه لساس الفهود
