أشغلت خفاقي وتاه الفكر فيك
والشاهد الله ما أشغل القلب غيرك
ظلمتني بالحب الله يجازيك
وإلي نسيتك طار بالفكر طيرك
أهديت لك قلبٍ وفي واثق فيك
ورديت لي بالحب جمرة سعيرك
من يوم شفتك والعقل حاير فيك
عامين والخفاق ماحب غيرك
أنا دخيلك ترحم اللي يناديك
يارحمة الله مايلومك ضميرك
مدري وش القلب الذي في حشاويك
أرجوك قرر ذا مصيري ومصيرك
عامين يالظالم وأنا طامع فيك
مايوم قلت أبشر تراني عشيرك
أقسم بمن حط الحلى بين فكيك
لبقى على مر الليالي أسيرك
واليا زعلت أرضيك والله وأداريك
ولين أظلمت دنا البشر شفت نورك
ارحم صويب ضايع فيك برجيك
ولا زال يقطف في المحبة زهورك
