صرت أتمنى وصل خالد بالأحلام
ياليت حلمي ذا تحول حقيقه
حزني دفين كان مقبور لعوام
واليوم قلبي عاجز ما يطيقه
ياموقف عشته مثل بعض الافلام
شفت الحبيب مغرق الدم ريقه
والموت له مقبل يرفرف بالأعلام
وعلى الحضن خذته وانا اسمع شهيقه
من روعتي صايحت بالآه وآلام
ليته سمع صوتي وكمل طريقه
ليته توانا لي وللايام قدام
لأفديه عمري دون كل الخليقه
حظى من أيام الصغر مابعد قام
ومن يوم قام وجاه شي يعيقه
صارت فجيعة يوم تحكى بالأيام
واصبح عزى خالد بقلبي حريقه
ضاع الكلام وجف حبري بالأقلام
وفي داخل قليبي جروح عميقه
يارب تجبرني على الصبر ما دام
نور القصب قفى وطفى بريقه
من يوم راح وصرت في صف الأيتام
ياالله تفرجها بعد كل ضيقه
وترحم حبيب راح في عشر الأصيام
وعساك من جنات عدن تذيقه
وصلاة ربي عد وطيات الأقدام
على الذي نفسه للأمه رقيقه