ياجو يامربا قروم الرجاجيل
ورخومهم ما وقّفوا فوق جاله
تغيرت لأحوال جيل بعد جيل
ياليت راع القول ينظر,, لحاله
مالخشم الأقصى للوصيقع حياييل
وجافيه منهم يكسبون الجماله
في عهد ابوفيصل كعام المغاليل
فهد فهد راع النصف والعداله
فصّل علينا ثوب الأمجاد تفصيل
وفتح بنوك ومابغينا,, نناله
ونظرت أنا في غرس جو مظاليل
بوجود منهم ينطحون الشكاله
فيهم هديب الشام لي وقف القيل
حمود الجهيمي بينات,, فعاله
وان جيت ابن شباب تلقى المعاميل
لياجيت والمجلس تخالف دلاله
وان جيت راشد محرق البن والهيل
ولاهوب ماللي ضابط رأس حاله
رجل الشكاله من رجال مشاكيل
أمير جو اللي ينفد حلاله
لطامة العايل وذباحة الحيل
واعتز جو بعزكم,, ياحماله
وصلاة ربي عد وبل الهماليل
على النبي واعداد ما أمطر خياله