لا تنثرين الدمع لا تنثرينه
ينزل على خدك وفي خافقي شب
وقت الطرب والعذر راحت سنينه
عقب صفاة الجو عاصوفها هب
القلب من بعدك تزايد حنينه
راع الهوى والقاف دايم معذب
الله على جور الليالي يعينه
لو هو غلب امرار ملزوم يغلب
يصبح نهاره مظلم وسط عينه
بنهل ومن كاسات الامرار يشرب
قلبي يقول: بشوق لازم تجينه
ماله بغيرك يا هوى البال مطلب
الشعر به ذكرى عسى تذكرينه
لى جاك داع الود يا صاحبي لب
