عذيل قلب بين الاضلاع راج
روج الخباري سيل مزن يخجه
قبل احسب ان القلب ما هو رواج
واثره خفيف الريش سهل مهجه
وعيني اللي هدها السهر لاج
يومه رماني بالعيون الملجه
لا تعذلون القلب عذل سماجي
لا تقهرونه يوم خلي توجه
ياهيه يالمملوح سفر الحجاج
تذبح خفوقي والحشا بغير حجه
الهون هونك يا عنود الزراج
مدّت ولدّت واعرضت عقب هجه
يسقيك براق سرى لعاجي
يشعق بعال الغر ضوحه يشجه
يكفي كفى ورد الشراب الهماج
ابي المطر قبل السواقي ترجه