من قلب ولسان
مرثية في عواد بن مانع الظاهري - رحمه الله- وأسكنه فسيح جناته وجميع موتى المسلمين.
مرحوم يا شيخ له الطيب عنوان
وفعوله فعول الرجال الجزيلة
جدي وله في داخل القلب مسكان
منا خذاه الموت ما فيه حيلة
والموت درب من دروبك يالانسان
ولا دايم الا وجه رب المخيلة
والله ما اعارض حكم عالي الشان
اللي عباده كلها تلتجي له
لكن انا عبرت من قلب ولسان
ومن شاف حالي قال واعزتي له
ومن عادة الدنيا بها افراح واحزان
وكم فرقت بين الخليل وخليله
عسى ثرى قبره رياحين بستان
ويدخله ربي جنان ظليلة
عواد بن مانع من طوال الايمان
من عادته ما يشيل عير الثقيلة
بالطيب ذكره شاع في كل ميدان
عواد عز اقاربه والقبيلة
كله وفا نادر مثل طير حوران
وانا اشهد انه ما يعرف الهزيلة
تنشر له البيضا على راس مابان
وتبقى على مر الليال الطويلة
ذكره يشرفنا على طول الازمان
وطيبه يشرفنا وهذا حصيله
عسى المطر لاهل من غر الامزان
يسقي ثرى قبره ليا سال سيله
- حفيده/ محمد بن فهد بن عواد الظاهري
