يا عشق كل العمر كنت اتصيدك

في كل همسة قصيد وفي ندها

اذوب لك وجد في حضرة قصايدك

واقول يا حظ من كانت وراها

نصيبها لك سبق حظي وبعّدك

وانا غلاي الك يفرق عن غلاها

يا سيدي تاج راسي في تسيّدك

ومشاعري لك عن العالم ولاها

حاولت اخفيك لا تنشاف واجحدك

وضجيت في عطر الابيات وشذاها

يا حظ كل العيون اللي تشاهدك

يا سعدها يا بختها يا هناها

يا ما حسدت بدفا قربك وسايدك

من قدها من يجي في مستواها

وأنا أتمنى لو اني ساعة أسعدك

واوصّلك بالسعادة منتهاها

واليوم قلبي ركض قبلي لموعدك

وكل الاحاسيس باحت في خفاها

حلم الرمال ايدها بمصافحة يدك

نبت الزهر وازهرت قصة هواها