يا قائد الإسلام عافاك مولاك
لا بأس يا ساس الشرف والشهامه
يا خادم البيتين من فعل يمناك
زرعت حبك يا وريث الزعامه
الجود جودك والعطايا عطاياك
زود على طيبك وفى واستقامه
ولو كل من له مال سوى سواياك
ما فيه حيٍ ذاق طعم الندامه
رجل السلام اللي حميده سجاياك
صقر العروبة نور قصر اليمامه
أنت الزعيم اللي سليمه نواياك
وأنت الحكيم اللي بعيد مرامه
نرجي عسى المولى من السوء يحماك
يا عالي الهمة نصير الكرامه
المجد طول العمر بالعز خاواك
يا بدرنا الكامل بليلة تمامه
يا ليثنا اللي كل ريبال يخشاك
يا غيثنا لا شح وبل الغمامه
فجر الحماسة مطلعه من محياك
ومعنى السياسة منك ياخذ نظامه
يا تاجنا يا سراجنا لا عدمناك
جمعت حلم ولين عزم وصرامه
طبع التواضع يا ملك صار مبداك
خلقٍ عظيمٍ ما تجيه الملامه
والقاف يا ريف المقلين يزهاك
تطلق لسان الشعر تعلي مقامه
ولي عهدك نايبك يتبع اخطاك
ماخاب من حط المظفر حزامه
وصلاة ربي عد دورات الأفلاك
على شفيع الخلق يوم القيامه
- النقيب باني بن عبدالله البقمي
