مثل ما تدفن الموجه تعبها في رمال السيف

مثل ما تغري النار الفراش ويحترق فيها

مثل ما تنجذب للغرب نارٍ ويتلوّن طيف

تبي تنسى العنا وخيوطها الحمراء مداميها

أعوّد لك على مركب غرامٍ هدّه التجديف

أبيك تجدد جروح الهوى والا تداويها

تعبت من السفر والليل ومخايل بروق الصيف

ليالي عام الأول.. دوك ذي داير لياليها

غرامك داعب الوجدان وأغرقني بلا تكليف

يسافر في خيالي شوق.. وعيونك موانيها

ترى عذب المشاعر بالحقيقة مالها تعريف

تراها رعشةٍ تسري ولا نفهم خوافيها

تراها غربة الاحساس بديارٍ زهاها الريف

ما دامك يا حبيب العمر ما طفت براوبيها

تراها بسمة الأزهار لا طاب الهوى والكيف

تربع بالضماير دام نبع الحب يسقيها

الشاعر: ماجد الشاوي