بندر الرشود شاعر ملهم واسم معروف عاده الشجن في وفاة عمه الشيخ إبراهيم الرشود فكتب مرثية عابقة بذكره.

احمد الله واشكره في كل حال

وبالقضاء مؤمن ولافيه اعتراض

لكن اللي راح ربح وراس مال

لا يجي قبله ولا يمكن يعاض

الكبير الله وهو مثل الجبال

مثل ظل طويق لحدود الرياض

تصغر بعينه عظيمات العضال

وتنبت بماطاه ازهار الفياض

بالكرم تشهد له أصناف الدلال

يذبح الحايل وهوسامح وراض

يسبق الطائي على بعض الخصال

ويشبه الديمه وانقاء من البياض

لو بسولف عنه يا عيال الحلال

ما انتهيت من الحكي والقلب هاض

يا وسيع الصدر خليت العيال

تبكي غيابك يامال الفياض

من خذاك الموت هملنا العقال

كل شيٍ يعتبر عصرٍ وماض

يا شقيق ابوي يا عمي يا خال

انت عزوه انت ابونا وانت قاض

كيف ننسى يامعلمنا الوصال

والجروح الي من غيابك عراض

يابحر جده ترا شمسك زوال

ما بقى براق واسميه ناض

بندر الرشود