أدري حبيبي وش كثر أنت مشتاق

ولا هو كثر مانيب مشتاقةٍ لك

إن غبت عن عيني علي الفضا ضاق

ياكل كلّي كانّي كل كلك

يمك هجوس الفكر والقلب تنساق

وكل الخفوق وماحوى مبحرٍ لك

ماغيرك بقلبي ولا ليّ أحد لاق

ولاحدٍ قدر بالقلب ياصل محلك

غلاك فاق الحب ثم فاق ثم فاق

ولاعظم غلا (لي) ياعساك ولعلك

لك في خفوقي حلم.. وأشعار وأشواق

ونيران ودٍ بالخفا تشتعل لك

ياصاحبي قلبي لطاريك توّاق

يفز لك ياصاحبي قلب خلك