أقوم بالماجوب وادرى الملامه
يشين وجه الوقت وإلا يزيني
ولا خير باللي ما يثبتْ كلامه
وإلا بدرب المرجله يستهيني
محمد بن ناصر السياري****
شالوا وقفنّ الضعاين زعاجيل
شفّوا وهفّوا واتقوا بالحزومي
وأنا بمرقاب الشقى عيني تخيل
في رأس مرقابٍ طويل الرجومي
سويلم العلي السهلي****
العيب ترك ملزّمات المواجيب
وتبع الردى ومجالسة كل خايب
والتجربه برهان ما فيه تكذيب
إذا جهلت انشد من القوم شايب
رشيد الزلامي****
أسهر بليلي والخلايق ينامون
وأكتب بدمعي والشعر كل فنَّا
والصبح حالي فيه من دون في دون
ينحاني الهاجوس منَّا ومنَّا
عبدالله بن عبدالرحمن السلوم
