للصبر قيمه عند وقت الشدايد

ومن لا صبر ماعاش بالوقت سالي

الصبر مفتاح الفرج له فوايد

هاذي الحقيقه دون شك وجدالي

كم واحدٍ يصبر على كل كايد

ويشيل حملٍ ما تشيله جمالي

وجاه الفرج من عقب هم ونكايد

واصبح على الدنيا من الهم خالي

من فضل ربي عاش عيشة سعايد

والشكر للخالق عزيز الجلالي

ربٍ كريم وصادقٍ بالوعايد

ماخاب من يرجيه في كل حالي

عالم خفايا الناس قول الوكايد

الواحد الوالي على كل والي

تم الكلام ولا على القول زايد

ومن يرجي المعبود نال المعالي