يوم دار الفكر.. بك روحه وجيّه

ثم تخيلتك على صدر المرايا

فاح عطرك في القصيد وفي يديّه

واشتكت منه العروق اللي ضمايا

العطر والورد يطري بك عليّه

الله اكبر كيف سوابي سوايا

اتخيل نظرة الحب البريّه

واتذكر لون خدك والشفايا

ما دريت ان الفراق اكبر خطيّه

واللقا يقضي على كل الخطايا

انت في شعري لانك صرت فيّه

تصدق الابيات مع صدق النوايا

في حضورك عيني بشوفك ثريّه

وفي غيابك ما بقى فيني بقايا

انت وان حسيت شعري لك هديّه

وش شعورك دام كلي لك هدايا

الغلا قطر الندى وانتي نديّه

ارتوي يا وردة بين الحنايا

لو رسمتك بالبيوت الجوهريّة

وش بقول اليا طلع كلك مزايا

وان وصفتك بالحروف الابجديّة

حرت ما حصلت لوصافك حلايا

اجتمع فيك الجمال وجاذبيّه

صرت فتنة شعر من كل الزوايا

احمد اللي جاب قلبك لي عطيّه

وهبةٍ من عند وهاب العطايا

ما يحرك خافقي هاذي وذيّه

كود من يملك احساس اقصى الخفايا