جيران

ماكل طيرٍ يعجب اللي صقر به

ولا كل رجالٍ يثمن جوابه

ولا كل من يبني جدار استتر به

ولا كل جارٍ تستريح بجنابه

****

سواء بسواء

من صد عنّا ما حسبنا حسابه

لا هو براجيني ولا ني براجيه

ومن زارني زرته وأقدر جنابه

ولا همني شخصٍ عطاني علابيه

****

أزمان

راحوا هل الجيرة وحق المجيّر

ابعد علينا من نوال الثريّا

ولا اقول ماباقي للأجواد ديّر

ما أذم عشاق الشرف والحميّا

****

طبايع

والناس تعرف بالطبايع والافعال

واللي تعزه سمعته يمدحونه

والما يجي به عذب ويجي به احثال

والكون به من كل كاين نمونه