مابين قال فلان وفلان ما قال |
هذا يروجها وهذا نشرها |
دعايةً تبقى على كل الأحوال |
جمره خبيثه كل منا خبرها |
زيف الحقايق صوتها عزف موال |
يطرب لها الحاقد ومن هو حضرها |
وغيم الحقيقه غيمها دوم همال |
تكشف نوايهم وتسكب مطرها |
ملبوسها ثوب الوفا فعل وخصال |
بنت الشيوخ اللي عزيزاً مهرها |
حشمة شرف ماهمها قول عذال |
ليلة شموخن بان فيها قمرها |
فيها انبهر من زينها كل الأزوال |
والله يعين اللي بعينه نظرها |
ذكرت شيً دوم يطري على البال |
والنفس بعد الشي ولى كدرها |
أحمد عايض الشراري |
|
