للصبر حد وللوفا فيني حدود |
وللجرح وقت وينتهي يا ظنيني |
وللذكريات بداخلي يوم موعود |
وتحطم اللي باقٍي من حنيني |
يبقى الاصل في دنيتي طفل موؤود |
عند أول دروب الحزن يحتريني |
ياما سهرت وباقي العالم رقود |
وياما.. بكيتك بس في وسط عيني |
خوفي تطيح بدمعتي وانت موجود |
فيها واخاف تحول بينك وبيني |
ياما تحريت الوفا منك بوعود |
وياما دعيتك بالخفا وانت فيني |
انسان لكن فيك الاحساس مفقود |
خليت حلمي يحتضر في يديني |
لا جيت بخل ولا تعشمت بالجود |
لا.. ناسيه جرحك ولا هو نسيني |
ضيعت عمري فيك والعمر معدود |
لا واخساره ما مضى من سنيني |
مها الشمري |
|