أحاول على وجهة نظر واضحٍ معناه |
عسى من سمع معناه ياخذ بحسبانه |
أنا بنصحك ياشارب التبغ من عقباه |
ترى السم يسري مع زواريق دخانه |
يسيطر على جسمك ويفسد جميع أعضاه |
ويجيب الفشل من عرضه الكبد خربانه |
مثل حارسٍ ملموسه دقاق فوق غطاه |
وهو يجتلد والموت الأحمر بنيبانه |
كفاك الله من الهام الأسود ومن بلواه |
تجنب طريقه لا تجي حول ضلعانه |
تهادى مع درب السهل وأتركه وأحماه |
واخذ حذرك من حماه وحدود شعبانه |
وأيضاً بنصحك ممن وقع فيه لاتنصاه |
يلزمك التحرص من مداخيل بيبانه |
ترى المتهم واللي عمل ما وطى يا طاه |
لكن ابتعد من رفقة السوء وأعوانه |
يقول المثل شطر من الرجم ومراماه |
ترى صحبة الجزي على الحول جربانه |
أهديك النصيحه قبل يصعب عليك دواه |
تبادر وتقلع عن محابيل شيطانه |
هذا والسلام وبد عيلك بحسن رضاه |
عظيم الجلال اللي على العرش سبحانه |
عبدالمحسن بن سليمان القويفل القحطاني -الدرعية |
|
