والله يا إخوان إن قضية المخدرات صارت من أكبر القضايا اللي أزعجت العالم كله.. ولو تلاحظون كل دول العالم حرمت وجرمت المخدرات وكلهم اتفقوا على خطورتها.. وضررها على الصحة وعلى الناس وعلى كل شيء..

ومع كل ما تسويه كل دولة من جهود وصرف فلوس على مكافحة هالآفة إلا إن المخدرات تنتشر وخصوصاً بين الشباب.. والله كل دولة تشتكي من انتشار هالمخدرات بين الشباب والبنات والمشاكل اللي تصير منهم.. خلت هالشباب ضايع لا دراسة ولا شغل ودايماً تلقى الأمن منشغل فيهم.. يا مضاربات ولا سرقات أو جرايم قتل وأكثرها المساجين تلقى80% منهم من هاللي بالسجون بسبب المخدرات..

وصرنا نسمع قضايا تشيب الراس لأول مرة والله نسمع فيها كله من هالسموم..

يالله إنك تحفظ بلدنا يا رب وتحفظ ولاة أمرنا وتحفظ أهلنا وعيالنا ومجتمعنا وتبعد عنهم المخدرات والخمور وتعصمنا منها إن شاء الله، والله المستعان.