عجايب يا سفر عمري عجايب

رجعت باخر الأيام خايب

بعد توديع امالي لقيتك

وانا اللي كنت من فرقاك غايب

أجي واروح وارجع من طريقي

وصبري من عنا الأيام ذايب

أجي مشتاق وارجع في جروحي

وكل احلام شوقي بالهبايب

انا عبدالله اللي عاش عمره

مضى رحال في سكة حبايب

صحيح ان الزمن ياتي بدورة

ودورات الزمن فيها غرايب

ولكن العمر يمضي بدربه

لقيت بدربي المتعب صعايب

يجي من آخر الاحزان ضايع

ويرجع لاول الايام تايب

تعبت وملت اوراق المشاعر

جمر وقاد من نار ولهايب

وطاحت في طريق الياس دمعة

ومن كثر الالم هانت مصايب

توالت في ليال العمر ذكرى

خذت مع موجع احزاني طلايب

نسيت وجيه مرت في حياتي

كذا من دون ذنب او سبايب

كتبت ايام مرت في سنيني

خذت فيها الفرح واقفى نهايب

زمن يفنى وخلق الله فاني

ويبقى وجه عالم كل غايب

رجعت باخر الايام وحدي

عجايب يا سفر عمري عجايب

عبدالله بن سمير الحربي - تبوك

صفحة الجزيرة الرئيسية

الصفحة الرئيسية

رأي الجزيرة