لي نفس عيت تقبل أحكام وشروط |
تطلع وتبني كل شي هدمته |
حتى النهار اللي به إبليس مربوط |
بأسباب نفسي نفس قلبي ظلمته |
ما كن ثوبي عن سناء الذنب مخيوط |
ثوب الزهيد اللي حياته احشمته |
وماكن لي دمع مع الخوف محطوط |
مع صوت كله حزن لا من شهمته |
نفسي كما طيرا على الطلع منشوط |
معها تعبت وكل شيء لزمته |
كل شي من دونه علامات وخطوط |
لازم توديني مداخيل صمته |
ابدايته تبدالي حروف ونقوط |
والقاه مثل الجرح لا من فهمته |
مالي يا غير الله بالله محيوط |
يالله أنا طلبك عفوا قسمته |
ترحم ضعيفٍ ما عرف ياس وقنوط |
وش كبر ضيق القبر وأن ما رحمته |
ماهر عبدالله الجهني- المدينة المنورة |
|
